ବଲାଙ୍ଗିର : ସଡ଼କ ଦୁର୍ଘଟଣାରେ ଜଣେ ମୃତ, ଜଣେ ଗୁରୁତର ହୋଇଥିବା ଜଣାପଡ଼ିଛି । ବଲାଙ୍ଗିର -ସୋନପୁର ମୁଖ୍ୟ ରାସ୍ତା ପୁଇଁତଲା ଥାନା ପାଖରେ ଏଭଳି ସଡ଼କ ଦୁର୍ଘଟଣା ଘଟିଥିବା ସୂଚନା ମିଳିଛି । ମୃତ ଯୁବକ ଜଣକ ହେଲେ ସଂକଳ୍ପ ଯୋଷୀ (୨୪) ।
ସୂଚନା ଅନୁସାରେ, ସଂକଳ୍ପ ଓ କୁନାଲ ନାଏକ ଦୁଇ ସାଙ୍ଗ । ସେମାନେ ଗତକାଲି ବିଳମ୍ବିତ ରାତିରେ ସୋନପୁର ଆଡ଼କୁ ଯାଉଥିବା ବେଳେ କୌଣସି ଏକ ଅଜଣା ଗାଡି ସହିତ ତାଙ୍କ ବାଇକ୍ ର ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ ସଂକଳ୍ପଙ୍କ ମୃତ୍ୟୁ ହୋଇଥିବା ବେଳେ କୁନାଲ ଗୁରୁତର ହୋଇଥିଲେ । ପୁଇଁତଲା ପୁଲିସ ତାଙ୍କୁ ଉଦ୍ଧାର କରି ଭୀମ ଭୋଇ ମେଡିକାଲ କଲେଜ୍ ହସ୍ପିଟାଲକୁ ପଠାଇଥିଲେ । ସେଠାରୁ ତାଙ୍କୁ ବୁର୍ଲା ସ୍ଥାନାନ୍ତର କରାଯାଇଥିବା ଜଣାପଡିଛି ।
