ଭଦ୍ରକ: ଏହି ଜିଲାର ଭଣ୍ଡାରିପୋଖରୀ ଥାନା ଅନ୍ତର୍ଗତ ଭଣ୍ଡାରିପୋଖରୀ-ମଣିନାଥପୁର ପୁର୍ତ୍ତ ରାସ୍ତାର କୋଳିପଦି କେନାଲ ଛକରେ ସଡକ ଦୁର୍ଘଟଣା ଘଟି ଜଣେ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣାଯାଇଛି । କହରାପୋଖରୀ ଗ୍ରାମର ଉମାକାନ୍ତ ସ୍ୱାଇଁ ଓଡି ୦୪ ସି ୩୬୭୭ନଂ ବାଇକ ଯୋଗେ ବିଲକାମ ସାରି ଘରକୁ ଫେରୁଥିବା ବେଳେ ସରସଦା ଆଡୁ ଯାଉଥିବା ଓଡି ୦୧ୟୁ ୮୯୦୭ନଂ ଅଶୋକ ଲେ ଲ୍ୟାଣ୍ଡ ଗାଡି କୋଳପଦି ଛକରେ ଧକ୍କା ଦେଇ ଶହେ ମିଟର ପର୍ଯ୍ୟନ୍ତ ବାଇକଟି କୁ ଘୋଷାଡି ନେଇଥିଲା । ଲେ ଲ୍ୟାଣ୍ଡ ଗାଡି ଚକା ତଳେ ବାଇକଟି ରହିଯାଇଥିଲା । ଛିକିଟି ପଡି ଆହତ ହୋଇଥିବା ବାଇକ ଆରୋହୀ ଉମାକାନ୍ତଙ୍କୁ ଭଣ୍ଡାରିପୋଖରୀ ମେଡିକାଲକୁ ଚିକିତ୍ସା ପାଇଁ ନିଆଯାଇଥିଲା । ସେଠାରେ ପ୍ରାଥମିକ ଚିକିତ୍ସା ପରେ ଗୁରୁତର ଆହତ ଉମାକାନ୍ତଙ୍କୁ ଭଦ୍ରକ ପଠାଇ ଦିଆଯାଇଥିଲା । ଦୁର୍ଘଟଣାଗ୍ରସ୍ତ ଗାଡି ଦୁଇଟିକୁ ପୁଲିସ ଜବତ କରି ଥାନାକୁ ଆରିଥିବା ଜଣାଯାଇଛି ।
