ନୂଆଦିଲ୍ଲୀ, 4 ଅକ୍ଟୋବର :ଆସନ୍ତାକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଜସ୍ଥାନ ଓ ମଧ୍ୟପ୍ରଦେଶ ଗସ୍ତ କରିବେ । ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏହି ସୂଚନା ପ୍ରଦାନ କରାଯାଇଛି । କାଲି ପୁର୍ବାହ୍ନ 11.15ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଜସ୍ଥାନର ଯୋଧପୁରରେ ସଡକ, ରେଳ, ବିମାନ, ସ୍ୱାସ୍ଥ୍ୟ ଓ ଉଚ୍ଚଶିକ୍ଷା କ୍ଷେତ୍ରରେ ପାଖାପାଖି 5ହଜାର କୋଟି ଟଙ୍କାର ବିକାଶମୂଳକ ଯୋଜନାର ଶିଳାନ୍ୟାସ ଓ ଲୋକାର୍ପଣ କରିବେ ।
ଏହାପରେ ପ୍ରଧାନମନ୍ତ୍ରୀ ଅପରାହ୍ନ ପ୍ରାୟ 3.30ରେ ମଧ୍ୟପ୍ରଦେଶର ଜବଲପୁରରେ ପହଞ୍ଚିବେ । ସେଠାରେ ସଡକ, ରେଳ, ଗ୍ୟାସ ପାଇପଲାଇନ, ଆବାସ ଓ ସ୍ୱଚ୍ଛ ପାନୀୟ ଜଳ କ୍ଷେତ୍ରରେ ଜଡିତ ପ୍ରାୟ 12,600 କୋଟି ଟଙ୍କାରୁ ଅଧିକ ବିକାଶମୂଳକ ଯୋଜନାର ଉଦଘାଟନ ଓ ଶିଳାନ୍ୟାସ କରିବେ ପିଏମ ମୋଦି ।
