ବାରଣାସୀ, 4 ଅକ୍ଟୋବର : ଉତ୍ତରପ୍ରଦେଶର ବାରଣାସୀରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଫୁଲପୁର ଥାନା ଅନ୍ତର୍ଗତ କରଖିୟାମ୍ବ ନିକଟରେ ଆଜି ଭୋରରୁ ଏକ ଦ୍ରୁତଗାମୀ ଟ୍ରକ ଓ କାର ମୁହାଁମୁହିଁ ଧକ୍କା ଯୋଗୁ କାରରେ ଥିବା 8ଜଣଙ୍କର ମୃତ୍ୟୁ ହୋଇଛି । ଖବର ପାଇବା କ୍ଷଣି ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ତେବେ କାରରେ ଥିବା ଜଣେ 3ବର୍ଷର ଶିଶୁ ଜୀବିତ ଉଦ୍ଧାର ହୋଇଛି । ଏହି ଭୟାବହ ଦୁର୍ଘଟଣାକୁ ନେଇ ଶୋକ ପ୍ରକାଶ କରିଛନ୍ତି ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଆହତଙ୍କର ଚିକିତ୍ସା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।
ପିଲିଭିତର ଗୋଟିଏ ପରିବାରର 9ଜଣ ଶ୍ରୀ କାଶୀ ବିଶ୍ୱନାଥଙ୍କ ଦର୍ଶନ ପାଇଁ ବାରଣାସୀ ଆସିଥିଲେ । ଏହି ପରିବାର ମନ୍ଦିରରେ ଦର୍ଶନ କରିବା ପରେ ଭୋର ସମୟରେ ଘରକୁ ଫେରୁଥିଲେ । ତେବେ ବାରଣାସୀ-ଜୈନପୁର ଜାତୀୟ ରାଜପଥର କରଖିୟାମ୍ବ ନିକଟରେ କାରଟି ଦୁର୍ଘଟଣାଗ୍ରସ୍ତ ହୋଇଥିଲା । ଦୁର୍ଘଟଣାରେ 3ବର୍ଷର ଶିଶୁକୁ ଛାଡି କାରରେ ଥିବା ସମସ୍ତଙ୍କର ମୃତ୍ୟୁ ହୋଇଛି ।
