ଭୁବନେଶ୍ୱର : ଭୁବନେଶ୍ୱର ବରମୁଣ୍ଡା ଗାଁରେ ନୀଳକଣ୍ଠେଶ୍ୱର ମନ୍ଦିର ନିକଟସ୍ଥ ପୋଖରୀରେ ବୁଡ଼ି ଜଣେ ସ୍କୁଲ ଛାତ୍ରଙ୍କ ମୃତ୍ୟୁ ଘଟିଛି । ମୃତ ଛାତ୍ର ଜଣକ ହେଲେ ଓମ୍ ପ୍ରକାଶ ପ୍ରଧାନ । ସେ ବରମୁଣ୍ଡା ପୌରପାଳିକା ହାଇସ୍କୁଲରେ ଅଷ୍ଟମ ଶ୍ରେଣୀରେ ପଢୁଥିବା ବେଳେ ଖଣ୍ଡଗିରି ତପୋବନ ବଳିଆ ବାବା ଆଶ୍ରମରେ ରହୁଥିଲେ ।
ସୋମବାର ମହାତ୍ମା ଗାନ୍ଧୀ ଜୟନ୍ତୀ ପାଳନ ପାଇଁ ସେ ଆଶ୍ରମରୁ ସ୍କୁଲ ଅଭିମୁଖେ ବାହାରି ଥିଲେ । ହେଲେ ସ୍କୁଲ ନଯାଇ ବରମୁଣ୍ଡା ଗାଁ ସ୍ଥିତ ଉକ୍ତ ପୋଖରୀକୁ ଗାଧୋଇବାକୁ ଆସିଥିଲେ । ଗାଧୋଇବା ବେଳେ ସେ ପୋଖରୀରେ ବୁଡ଼ି ଯାଇଥିଲେ ବୋଲି ଜଣାପଡ଼ିଛି ।
