ବାଲେଶ୍ୱରରୁ ଗୋରୁ ବୋଝେଇ ୨ ପିକଅପ୍ ଭ୍ୟାନ ଜବତ, ଜଣେ ଅଟକ

ଭୁବନେଶ୍ୱର : ରାଜ୍ୟରେ ବେଧଡକ ଚାଲିଛି ଗୋରୁ ଚୋରାଚାଲାଣ । ପଶ୍ଚିମବଙ୍ଗକୁ ଗୋଚାଲାଣ ବେଳେ 2ଟି ଗୋରୁ ବୋଝେଇ ପିକଅପ୍ ଭ୍ୟାନ ଜବତ କରାଯାଇଛି । 57 ନମ୍ବର ରାଜ୍ୟ ରାଜପଥ ଦେଇ ପଶ୍ଚିମବଙ୍ଗକୁ ଚାଲାଣ ବେଳେ ନହରା ଗାଁରୁ ଗୋରୁ ବୋଝେଇ ପିକଅପ୍ ଭ୍ୟାନ ଜବତ କରିଛି କମର୍ଦ୍ଦା ପୋଲିସ । ଭ୍ୟାନ ଭିତରୁ ଦେଢଶହ ଗୋରୁ ଉଦ୍ଧାର କରାଯାଇଛି । ସମସ୍ତ ଗୋରୁକୁ ବାଲେଶ୍ୱର ବାମପଦା ଗୋଶାଳାକୁ ସ୍ଥାନାନ୍ତର କରାଯାଇଛି । ପୋଲିସ ଜଣେ ଡ୍ରାଇଭରକୁ ଅଟକ ରଖି ଥିବା ବେଳେ ଅନ୍ୟ ଜଣେ ଡ୍ରାଇଭର ଘଟଣାସ୍ଥଳରୁ ଫେରାର ହୋଇଯାଇଛି ।