ଗଞ୍ଜାମ : ଗଞ୍ଜାମ ଜିଲ୍ଲା ବୈଦ୍ୟନାଥପୁର ଥାନା ଅନ୍ତର୍ଗତ ଲାଞ୍ଜିପଲ୍ଲୀ ଶିବଶକ୍ତିନଗର ଅଂଚଳର ଏକ ଭଡ଼ା ଘରେ ବେଆଇନ ଭାବେ ବାଣ ଗଚ୍ଛିତ ଥିବା ଖବର ପାଇ ଏଏସଆଇ ଗିରିଗୋବର୍ଦ୍ଧନ ଜେନାଙ୍କ ନେତୃତ୍ଵରେ ପୋଲିସ ସେଠାରେ ଚଢ଼ଉ କରିଥିଲା । ଚଢ଼ଉ ବେଳେ ସେଠାରୁ ବିପୁଳ ପରିମାଣର ବାଣ ଜବତ ହୋଇଥିଲା । ୫୪ଟି ବଡ ପ୍ୟାକେଟ୍ ରେ ବିଭିନ୍ନ ପ୍ରକାରର ବାଣ ଭର୍ତି ହୋଇ ରହିଥିଲା । ଯାହାର ଆନୁମାନିକ ମୂଲ୍ୟ ସାଢ଼େ ୩ ଲକ୍ଷ ଟଙ୍କା ହେବ । ସେସବୁ ବାଣକୁ ପୋଲିସ ଜବତ କରିବା ସହ ଘଟଣାରେ ୨ ଜଣଙ୍କୁ ଅଟକ ରଖି ପଚରା ଉଚୁରା ଚଳାଇଛି ।
