ଭୁବନେଶ୍ୱର : ମନ୍ଦିର କୂଅ ଭିତରୁ ନିଖୋଜ ଯୁବକଙ୍କ ମୃତଦେହ ଉଦ୍ଧାର ହୋଇଛି । ଏଭଳି ଅଭାବନୀୟ ଘଟଣା ଘଟିଛି ଆଠଗଡ଼ ତିଗିରିଆ ଥାନା ଅନ୍ତର୍ଗତ ଜଳେଶ୍ଵର ଜେମାଦେଇପୁର ପଞ୍ଚାୟତ ଗୌତମପୁର ଗ୍ରାମରେ । ଗାଁର ସନ୍ତୋଷ ନନ୍ଦ ନାମକ ଜଣେ ଯୁବକ 3ଦିନ ହେବ ନିଖୋଜ ଥିଲେ । ସନ୍ତୋଷ ଘରୁ କୁଆଡେ ଯାଇଥିବା ବେଳେ ଆଉ ଫେରିନଥିଲେ । ତେବେ ଆଜି ନୂଆପାଟଣା ସ୍ଥିତ ପତିତପାବନ ମନ୍ଦିରର କୂଅରୁ ତାଙ୍କ ମୃତଦେହ ଉଦ୍ଧାର ହୋଇଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳିଯାଇଛି । ଅନ୍ୟପଟେ ହତ୍ୟା ଅଭିଯୋଗ ଆଣି ତଦନ୍ତ ଦାବି କରିଛନ୍ତି ମୃତକଙ୍କ ପରିବାର ଲୋକେ । ଏନେଇ ଥାନାରେ ଅଭିଯୋଗ କରିଛନ୍ତି ମୃତକଙ୍କ ପରିବାରବର୍ଗ ।
