ଶ୍ରୀମନ୍ଦିରରେ ଶ୍ରୀଜୀଉଙ୍କ ରାତି ପହୁଡ଼ରେ ବିଳମ୍ବ

ପୁରୀ : ଶ୍ରୀମନ୍ଦିରରେ ଶ୍ରୀଜୀଉମାନଙ୍କ ରାତି ପହୁଡରେ ବିଳମ୍ବ ଘଟିଛି । ଆଜି ଭୋର୍ ୫ଟା ୫ ମିନିଟ୍ ରାତି ପହୁଡ଼ ଅନୁଷ୍ଠିତ ହୋଇଥିଲା । ସେଥିପାଇଁ ଆଜି ବିଳମ୍ବରେ ଅର୍ଥାତ୍ ସକାଳ ୭ଟା ୨୫ରେ ଦ୍ଵାରଫିଟା ଯାଇ ୮ଟାରେ ଭିତର ଶୋଧ ହୋଇଥିଲା । ସକାଳ ୮ଟା ୧୦ରେ ମଙ୍ଗଳଆଳତୀ, ୮ଟା ୧୫ ରେ ମଇଲମ, ୮ଟା ୪୦ରେ ତଡ଼ପ ଲାଗି, ୮ଟା ୫୫ରେ ଅବକାଶ ଠା ପୂଜା, ୯ଟାରେ ଅବକାଶ ପୂଜା ଓ ୯ଟା ୧୫ ରେ ଅବକାଶ ଶେଷ ହୋଇଛି । ଏହାପରେ ଅନ୍ୟାନ୍ୟ ନୀତି ଚାଲୁରହିଥିବା ଶ୍ରୀମନ୍ଦିର ପ୍ରଶାସନ ସୂତ୍ରରୁ ଜଣାପଡିଛି । ଶ୍ରୀମନ୍ଦିରରେ ବାରମ୍ବାର ନୀତି ବିଳମ୍ବ ଏବଂ ଦ୍ଵାରଫିଟାରେ ବିଳମ୍ବ ଯୋଗୁଁ ଭକ୍ତ ମହଲରେ ଅସନ୍ତୋଷ ପ୍ରକାଶ ପାଇଛି ।