ଦୌସା, ୨୪ ସେପ୍ଟେମ୍ବର – ରାଜସ୍ଥାନ ଦୌସା ଜିଲ୍ଲାର ମହବା ଥାନା ଅନ୍ତର୍ଗତ ବରିତକୀ ଗ୍ରାମ ନିକଟରେ ରବିବାର ଦୃତ ଗତିରେ ଆସୁଥିବା ଏକ ବସ୍ ଏକ ଟେମ୍ପୋକୁ ଧକ୍କା ଦେବା ସହ ସେହି ରାସ୍ତାରେ ଯାଉଥିବା କିଛି ପଥଚାରୀଙ୍କୁ ଧକ୍କା ଦେଇଛି । ଫଳରେ ୫ ଜଣଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୬ ଜଣ ଆହତ ହୋଇଛନ୍ତି । ଆହତ ମାନଙ୍କୁ ସ୍ଥାନୀୟ ଲୋକଙ୍କ ସହାୟତାରେ ମେଡିକାଲରେ ଭର୍ତି କରାଯାଇଛି । ଆଜି ପୂର୍ବାହ୍ନ ପ୍ରାୟ ସାଢ଼େ ୧୧ଟା ସମୟରେ କରୌଲି ରାଜ୍ୟ ରାଜପଥରେ ଏହି ଦୁର୍ଘଟଣା ଘଟିଛି । ଦୁର୍ଘଟଣା ପରେ ବସ୍ ଚାଳକ ସେଠାରୁ ଫେରାର୍ ହୋଇଯାଇଛି ।
ମହବା ଥାନା ଇନଚାର୍ଜ ଜିତେନ୍ଦ୍ର ସିଂହ କହିଛନ୍ତି ଯେ, ଯାତ୍ରୀ ମାନଙ୍କୁ ନେଇ ଟେମ୍ପୋଟି ହିଂଡୌନ (କରୌଲି) ଆଡୁ ଆସୁଥିବା ବେଳେ ବସ୍ ଟି ମହବା ଆଡୁ ଆସୁଥିଲା । ବସ୍ ଟି ଟେମ୍ପୋକୁ ଧକ୍କା ଦେବା ସହ ୪ ଜଣ ପଥଚାରୀଙ୍କକୁ ଧକ୍କା ଦେଇଥିଲା ।
