ନୂଆପଡା : ନୂଆପଡା ଜିଲ୍ଲା ଖଡ଼ିଆଳ ଥାନା 353 ନମ୍ବର ଜାତୀୟ ରାଜପଥ ବଡ଼ମହେଶ୍ୱର ଗ୍ରାମ ଠାରେ ମଙ୍ଗଳବାର ସକାଳ 3 ରୁ 4 ଘଣ୍ଟା ସମୟ ଏକ ସଡ଼କ ଦୁର୍ଘଟଣା ହୋଇଥିବା ବେଳେ ଘଟଣା ସ୍ଥଳରେ ଦୁଇ ଜଣ ଯୁବକଙ୍କ ମୃତୁ ହୋଇଯାଇଛି । ଆଉଜଣେ ଯୁବକ ଗୁରୁତର ଅବସ୍ଥା ରେ ଖଡ଼ିଆଳ ହସ୍ପିଟାଲରେ ଭର୍ତ୍ତି ହୋଇ ଚିକିତ୍ସା କରାଯାଉଥିବା ଜଣାପଡ଼ିଛି । ସୂଚନା ମତେ ତିନି ଜଣ ଯୁବକ ଗୋବିନ୍ଦ ନାଗ(25), ସୁନିଲ ବେହେରା(25) ଓ ଆଲୋକ ରାଉତ(25) ତିନିଜଣ ବୁଲେଟ ଯୋଗେ କୋମନା ପଟକୁ ଆସୁଥିଲେ । ଜାତୀୟ ରାଜପଥ 353 ବଡ଼ମହେଶ୍ୱର ଗ୍ରାମ ଠାରେ କୌଣସି ଅଜଣା ଗାଡିରେ ଧକ୍କା ହୋଇଥିଲା । ଯାହାଫଳରେ ଦୁଇ ଜଣ ଜଣ ଯୁବକ ଗୋବିନ୍ଦ ନାଗ ଓ ସୁନିଲ ବେହେରାଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିଲା । ଆଉଜଣେ ଯୁବକ ଆଲୋକ ରାଉତ ଗୁରୁତର ଅବସ୍ଥାରେ ଚିକିତ୍ସିତ ହେଉଅଛି ।ସକାଳ ସମୟରେ ଘଟଣା ଜଣା ପଡିବା ପରେ ଗ୍ରାମବାସୀ ଜାତୀୟ ରାଜପଥରେ ରଖି ରାସ୍ତା ରୋକ କରୁଛନ୍ତି । ଦୁର୍ଘଟଣା ଘଟାଇ ଥିବା ଟ୍ରକର ନମ୍ବର ସିଜି୦୪ ଏନକେ ୮୮୩୮ ନମ୍ବର ପ୍ଲେଟ ପଡିଥିବା ବେଳେ ଏହି ଗାଡିଟି ଛତିଶଗଡ଼ ରାୟପୁରର ଶ୍ରୀନିବାସ ରୋଡ଼ ଲାଇନର ବୋଲି ଜଣାପଡିଛି । ଦୁର୍ଘଟଣା ଘଟାଇ ଥିବା ଗାଡି ବିରୋଧ କଠୋର କାର୍ଯ୍ୟାନୁଷ୍ଠାନ ସହିତ ମୃତ ବ୍ୟକ୍ତିଙ୍କ ପରିବାରକୁ କ୍ଷତିପୂରଣ ଦାବିରେ ଗ୍ରାମବାସୀ ରାସ୍ତା ରୋକ କରିଛନ୍ତି । ଦାବି ପୂରଣ ନହେବା ପଯ୍ୟନ୍ତ ଆନ୍ଦୋଳନ ଜାରି ରଖିବେ ବୋଲି ପରିବାର ସୂତ୍ରରୁ ପ୍ରକାଶ ।ଖଡ଼ିଆଳ ପୋଲିସ ଘଟଣା ସ୍ଥଳରେ ପହଞ୍ଚି ପରିସ୍ଥିତିକୁ କଣ୍ଟ୍ରୋଲରେ ରଖିଥିବା ଜଣାପଡିଛି ।
