କୋଇଡ଼ା : ଖାଲରେ ଫଶି ରହିଥିବା ଛୁଆ ହାତୀକୁ ଉଦ୍ଧାର କରିଛି ମା ହାତୀ । ସୁନ୍ଦରଗଡ଼ ଜିଲ୍ଲା କୋଇଡ଼ା ନିକଟ କନ୍ତରକୋଇଡ଼ା ଗ୍ରାମରେ ଦେଖିବାକୁ ମିଳିଛି ଏପରି ଘଟଣା ।
ଗତକାଲି ସାରା ରାତି ଖାଲରେ ଫଶି ରହିଥିଲା ଏହି ଛୁଆ ହାତୀଟି । ତେବେ ହାତୀ ଛୁଆଟିକୁ ତାର ମାଆ ନିଜ ଶୁଣ୍ଢ ସାହାଯ୍ୟରେ ଉଦ୍ଧାର କରିବାରେ ସଫଳ ହୋଇଛି । ଲଗାତାର ପ୍ରଚେଷ୍ଟା କରିବା ପରେ ମା ହାତୀଟି ତାର ଛୁଆକୁ ଉଦ୍ଧାର କରିବାରେ ସଫଳ ହୋଇଛି । ଅନ୍ୟପକ୍ଷରେ ହାତୀର ଗତିବିଧି ଉପରେ ନଜର ରଖିଛି ବନ ବିଭାଗ ।
