ଧର୍ମଶାଳା,୩୦ଅଗଷ୍ଟ – ଯାଜପୁର ଜିଲାକୁ ଆଜି ଦିନିକିଆ ଗ୍ରସ୍ତରେ ଆସିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏହି ଅବସରରେ ତାଙ୍କୁ ଜିଲାର ବିଭିନ୍ନ ସ୍ଥାନରେ ବିପୁଳ ସମ୍ବର୍ଦ୍ଧନା ଦେବା ସହିତ ମହିଳାମାନେ ତାଙ୍କ ହାତରେ ରଖି ବାନ୍ଧି ସ୍ୱାଗତ କରିଥିଲେ । ଯାଜପୁର ଜିଲା ବଡଚଣା ବ୍ଲକ ଚଣ୍ଡିଖୋଲଠାରେ ପଂହଚିବା ପରେ ସେଠାରେ ବିଜେପି ନେତା ଅମର ନାୟକ ତାଙ୍କର ଶହଶହ ସମର୍ଥକମାନେ ଉପସ୍ଥିତ ରହି ପୁଷ୍ପଗୁଚ୍ଛ ଦେଇ ସ୍ୱାଗତ ସମ୍ବର୍ଦ୍ଧିତ କରିଥିଲେ । ଧର୍ମଶାଳା ବ୍ଲକ ଜାରକା ଛକଠାରେ ପଂହଚିବା ପରେ ଧର୍ମର୍ଶାଳା ବିଜେପି ନାରୀ ନେତ୍ରୀ ସ୍ମୃତିରେଖା ପହିଙ୍କ ହାଜାର ହଜାର ସମର୍ଥକ ଉପସ୍ଥିତ ରହି କେନ୍ଦ୍ରମନ୍ତ୍ରୀଙ୍କୁ ସମ୍ବର୍ଦ୍ଧିତ କରିଥିଲେ । ପରେ ରସୁଲପୁର ବ୍ଲକ ମୂଳାପାଳ ଛକ ନିକଟରେ ପଂହଚିବା ପରେ ବିଜେପି ନେତା ଉମେଶ ଜେନା,ପୂର୍ବତନ ଜିଲା ସଭାପତି ଆଶୁତୋଷ ପରିଡା,ବରିଷ୍ଠ ନେତା ରବିନାରାୟଣ ବେହେରାଙ୍କ ସମେତ ମହିଳା ନେତ୍ରୀ ଉପସ୍ଥିତ ରହି ସ୍ୱାଗତ କରିଥିଲେ । ସେଠାରେ ତାଙ୍କୁ ପୁଷ୍ପଗୁଚ୍ଛ ସହ ଉତରୀୟ ଦେଇ ସମ୍ବର୍ଦ୍ଧିତ କରିଥିଲେ । ମହିଳା ମୋର୍ଚ୍ଚାର କର୍ମକର୍ତାମାନେ ଶ୍ରୀ ପ୍ରଧାନଙ୍କ ହାତରେ ରାଖି ବାନ୍ଧି ଥିଲେ । ଆଜି ପବିତ୍ର ରକ୍ଷା ବନ୍ଧନ ମହିଳା ମୋର୍ଚ୍ଚା ପକ୍ଷରୁ ଏହି ସୁଯୋଗକୁ ହାତ ଛଡା କରି ନ ଥିଲେ । ପରେ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ଜିଲାର ସୁକିନ୍ଦା ଅଭିମୁଖେ ଯାତ୍ରା କରିଥିଲେ ।
