ଭୁବନେଶ୍ୱର, 30 ଅଗଷ୍ଟ ମାଛ ବେପାରୀଙ୍କ ଉପରେ ମାଡିଗଲା ହାଇୱା । ପାରାଦୀପ ଟର୍ମିନାଲ ଛକ ନିକଟରେ ଘଟିଛି ଏଭଳି ଦୁର୍ଘଟଣା । ହାଇୱା ମାଡିଯିବା ପରେ ଘଟଣାସ୍ଥଳରେ ହିଁ ମାଛ ବେପାରୀଙ୍କର ମୃତ୍ୟୁ ହୋଇଛି । ମୃତକ ହେଲେ ମନୋରଞ୍ଜନ ମଣ୍ଡଳ । ମନୋରଞ୍ଜନ ନିଜ ସାଇକେଲ ଯୋଗେ ବ୍ୟବସାୟ କରିବାକୁ ବାଲିପ୍ଲଟରୁ ମାଛ ଆଣି ଫେରୁଥିବା ବେଳେ ଏକ ହାଇୱା ତାଙ୍କ ଉପରେ ପଛପଟୁ ଚଢି ଯାଇଥିଲା । ଖବର ପାଇଁ ପୋଲିସ ଘଟଣାସ୍ଥଳରେ ପହଞ୍ଚିଛି । ମୃତଦେହ ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ଛାନଭିନ କରୁଛି ପୋଲିସ ।
