ପଲାମୁ : ମଦ୍ୟପାନ କରି ୧୪ଜଣ ଲୋକଙ୍କ ଉପରେ ଗାଡି ମଡାଇଦେଲା ଡ୍ରାଇଭର । ଝାରଖଣ୍ଡର ପଲାମୁ ଜିଲ୍ଲାରେ ଘଟିଛି ଏଭଳି ଦୁର୍ଘଟଣା । ଜଣେ ମଦ୍ୟପ ଡ୍ରାଇଭର ୧୪ଜଣଙ୍କ ଉପରେ ଗାଡି ମଡାଇ ଦେଇଥିବା ବେଳେ ୪ଜଣଙ୍କର ମୃତ୍ୟୁ ହୋଇଛି । ସେହିପରି ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି ।
ସୋମବାର ରାତିରେ ଚୈନପୁର ଥାନା ଅନ୍ତର୍ଗତ ବରାମ୍ଭ ନିକଟ ଶାହପୁର-ଗଢୱା ରାସ୍ତାର ଚଢୱନା ନିକଟରେ ଘଟିଛି ଏହି ଦୁର୍ଘଟଣା । ସମସ୍ତ ଆହତଙ୍କୁ ଏମଏମସିଏଚ ହସ୍ପିଟାଲରେ ଭର୍ତ୍ତି କରାଯାଇଛି ।
ମୃତକମାନେ ହେଲେ ନରସିଂହପୁର ପଥରା ନିବାସୀ ବଶିଷ୍ଠ ମହତୋଙ୍କ ପୁଅ ଉଦଳ ପ୍ରସାଦ ଚୌରାସିଆ ଓ ତାଙ୍କ ନାତି ରୋହିତ କୁମାର ଏବଂ କୋଟାର ମଧୁ ମେହତା । ଘଟଣାସ୍ଥଳରେ ହିଁ ଏହି ତିନି ଜଣଙ୍କର ମୃତ୍ୟୁ ହୋଇଥିଲା । ଚିକିତ୍ସାଧୀନ ଅବସ୍ଥାରେ ମେଡିକାଲରେ ଆଖି ବୁଜିଛନ୍ତି ଆଉ ଜଣେ ଆହତ ।
