ବୁଡାପେସ୍ଟ : ପୁଣି ଇତିହାସ ରଚିଲେ ନୀରଜ ଚୋପ୍ରା । ଭାରତର ଅଲମ୍ପିକ ବିଜେତା ନୀରଜ ଚୋପ୍ରା ବିଶ୍ୱ ଆଥଲେଟିକ୍ସ ଚାମ୍ପିୟାନସିପରେ ସୋମବାର ଦେଶ ପାଇଁ ପ୍ରଥମ ସ୍ୱର୍ଣ୍ଣ ପଦକ ହାସଲ କରିଛନ୍ତି । ନୀରଜ ପୁରୁଷ ବର୍ଗ ଜାଭେଲିନ୍ ଥ୍ରୋ ଫାଇନାଲରେ ପାକିସ୍ତାନର ଅଶରଦ ନଦିମଙ୍କୁ ଏକ ମିଟରରୁ କମ୍ ଅନ୍ତରରେ ହରାଇ ସ୍ୱର୍ଣ୍ଣ ପଦକ ହାସଲ କରିଛନ୍ତି । ନୀରଜ ଦ୍ୱିତୀୟ ପ୍ରଚେଷ୍ଟାରେ 88.17 ମିଟର ନିଜର ସର୍ବଶ୍ରେଷ୍ଠ ଥ୍ରୋ କରି ଶେଷ ପର୍ଯ୍ୟନ୍ତ ଏହାକୁ ବଢାଇ ରଖିବାରେ ସଫଳ ହୋଇଥିଲେ । ସେହିପରି ପାକିସ୍ତାନର ନଦିମ 87.17 ମିଟର ସହ ରୌପ୍ୟ ପଦକ ହାସଲ କରିଛନ୍ତି । ଚେକ ସଂଯୁକ୍ତରାଷ୍ଟ୍ରର ଜ୍ୟାକବ ଭାଡଲେଜ୍ଚ 86.67 ମିଟର ସହ କାଂସ୍ୟ ପଦକ ହାସଲ କରିଛନ୍ତି ।
