ଭୁବନେଶ୍ୱର : ବିଶିଷ୍ଟ ନାରୀନେତ୍ରୀ, ସମାଜସେବୀ, ସେଲ୍ଫେ ଏମ୍ଫୋଏମେଂଟ ସାଧାରଣ ସଂପାଦିକା, ରାଷ୍ଟ୍ରୀୟ ମଜଦୁର କଂଗ୍ରେସ ଓଡ଼ିଶା ଶାଖାର ଉପସଭାପତି ତଥା କେନ୍ଦ୍ରୀୟ କମିଟି ସଭ୍ୟା ସନ୍ଧ୍ୟାରାଣୀ ମହାପାତ୍ର ଗତକାଲି ଅକସ୍ମାତ ହୃଦ୍ଘାତରେ ଅକାଳ ବିୟୋଗ ଫଳରେ ରାଷ୍ଟ୍ରୀୟ ମଜଦୁର କଂଗ୍ରେସର ଅପୂରଣୀୟ କ୍ଷତି ଘଟିଛି ବୋଲି ଆଜି ରାଷ୍ଟ୍ରୀୟ ମଜଦୁର କଂଗ୍ରେସର କାର୍ଯ୍ୟାଳୟ ସମ୍ମୁଖରେ ସଭାପତି ଡଃ ରାମଚନ୍ଦ୍ର ଖୁଂଟିଆ ସଭାଧାରାରେ ରାଷ୍ଟ୍ରୀୟ ମଜଦୁର କଂଗ୍ରେସର ପତାକା ଓ ଫୁଲ ଦେଇ କହିଛନ୍ତି । ରାଷ୍ଟ୍ରୀୟ ମଜଦୁର କଂଗ୍ରେସ ନେତ୍ରୀ ଭାବରେ ସେ ଚାଇନାର ବେଜିଙ୍ଗ ଠାରେ ଅନୁଷ୍ଠିତ ଆନ୍ତର୍ଜାତିକ ମହିଳା ସମ୍ମିଳନୀରେ ଦୁଇଥର ରାଷ୍ଟ୍ରୀୟ ମଜଦୁର କଂଗ୍ରେସର ପ୍ରତିନିଧି ଭାବେ ଯୋଗଦେଇଥିଲେ । ରାଷ୍ଟ୍ରୀୟ ମଜଦୁର କଂଗ୍ରେସର ସାଧାରଣ ସମ୍ପାଦକ କିଶୋର ଜେନା, ଉପସଭାପତି ମଦନ ମୋହନ ଧଳ, ଯୁଗ୍ମ ସାଧାରଣ ସମ୍ପାଦକ ସତ୍ୟବ୍ରତ ନାୟକ, ମହିଳା କଂଗ୍ରେସର ଅଧ୍ୟକ୍ଷା ପ୍ରଣତି ମିଶ୍ରଙ୍କ ଉପସ୍ଥିତିରେ ରାଷ୍ଟ୍ରୀୟ ମଜଦୁର କଂଗ୍ରେସର କାର୍ଯ୍ୟାଳୟରେ ଶୋକସଭା କରି ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି ।
