ଜମ୍ମୁ : ୨୩ ଅଗଷ୍ଟରୁ ଅସ୍ଥାୟୀ ଭାବେ ବନ୍ଦ ରହିବ ଅମରନାଥ ଯାତ୍ରା । ଅମରନାଥ ଶ୍ରାଇନ ବୋର୍ଡ ପକ୍ଷରୁ ଅମରନାଥ ଯାତ୍ରା ଉପରେ ୨୩ ଅଗଷ୍ଟରୁ ଅସ୍ଥାୟୀ ଭାବେ ରୋକ ଲଗାଯାଇଛି । ଅମରନାଥ ଯିବା ରାସ୍ତାର କିଛି ସ୍ଥାନରେ ମରାମତି ପାଇଁ ଏଭଳି ପଦକ୍ଷେପ ନିଆଯାଇଛି । କମ୍ ସଂଖ୍ୟକ ତୀର୍ଥଯାତ୍ରୀ ଥିବାରୁ ବୋର୍ଡ ପକ୍ଷରୁ ଏଭଳି ପଦକ୍ଷେପ ନିଆଯାଇଛି ।
ଅମରନାଥ ଶ୍ରାଇନ୍ ବୋର୍ଡଙ୍କ ଅଧିକାରୀମାନେ ରବିବାର ଦିନ କହିଛନ୍ତି ଯେ, ଏବେ ଯାତ୍ରାର ଅନେକ ସମ୍ବେଦନଶୀଳ ଅଞ୍ଚଳରେ ସୀମା ସଡକ ସଙ୍ଗଠନ ମରାମତି ପକ୍ଷରୁ ମରାମତି କରାଯାଉଛି । ଅନ୍ୟପଟେ ପବିତ୍ର ଗୁମ୍ଫାକୁ ଯିବାର ଦୁଇଟି ଯାକ ରାସ୍ତାରେ ଏବେ ତୀର୍ଥଯାତ୍ରୀଙ୍କ ସଂଖ୍ୟା ହ୍ରାସପାଇଛି । ଏବେ ରାସ୍ତାର ଅବସ୍ଥା ଠିକ୍ ନଥିବା ମଧ୍ୟ ବୋର୍ଡ ପକ୍ଷରୁ କୁହାଯାଇଛି । ତେଣୁ ଏହାକୁ ଦୃଷ୍ଟିରେ ରଖି ୨୩ ଅଗଷ୍ଟ ପର୍ଯ୍ୟନ୍ତ ଦୁଇଟି ଯାକ ରାସ୍ତାକୁ ଅସ୍ଥାୟୀ ଭାବେ ବନ୍ଦ କରାଯାଇଛି ।
ଚଳିତ ବର୍ଷ ଜୁଲାଇ 1ରୁ 62 ଦିନିକଆ ଅମରନାଥ ଯାତ୍ରା ଆରମ୍ଭ ହୋଇଥିବା ବେଳେ ଏହା 31 ଅଗଷ୍ଟରେ ଶେଷ ହେବ ।
