ଶ୍ରୀନଗର : ଅମରନାଥ ଯାତ୍ରାରୁ ଫେରୁଥିବା ବେଳେ ଖାଇକୁ ଖସିପଡିଲେ ଭକ୍ତ । ତିନି ଶହ ଫୁଟ ତଳ ଖାଇକୁ ଖସିପଡି ବିହାରର ଜଣେ ଅମରନାଥ ଶ୍ରଦ୍ଧାଳୁଙ୍କ ମୃତ୍ୟୁ ହୋଇଛି । ଶୁକ୍ରବାର ବିଳମ୍ବିତ ରାତିରେ ପବିତ୍ର ଅମରନାଥ ଗୁମ୍ଫାରୁ ବିହାରର ଶ୍ରଦ୍ଧାଳୁ ଜଣକ ଫେରୁଥିଲେ । ତେବେ କାଳୀମାତା ନିକଟରେ ଖସିପଡି 3ଶହ ଫୁଟ ତଳେ ଥିବା ଖାଇରେ ପଡିଯାଇଥିଲେ । ମୃତକ ହେଲେ ବିହାରର ରୋହତାସ ଜିଲ୍ଲାର ତୁମ୍ବା ଗାଁର ବିଜୟ କୁମାର ଶାହ । ଏହି ସମୟରେ ଜଣେ ମହିଳା ଭକ୍ତ ମଧ୍ୟ ଆହତ ହୋଇଛନ୍ତି ।
