ଉତ୍ତର ପ୍ରଦେଶର ପ୍ରୟାଗରାଜରେ ଜାତୀୟ ପତାକା ଅବମାନନାର ମାମଲା ସାମନାକୁ ଆସିଛି । ଏ ସମ୍ପର୍କିତ ଫଟୋ ସାମନାକୁ ଆସିବା ପରେ ଉତ୍ତର ପ୍ରଦେଶ ପୋଲିସ ମାମଲା ରୁଜୁ କରିଥିବା ଜଣା ପଡିଛି ।
ପ୍ରୟାଗରାଜ ଜିଲ୍ଲାର ଦହିୟାୱାଁ ବଜାର ଅଂଚଳରେ ଏକ ମଦ୍ରାସାରେ ଜାତୀୟ ପତାକା ଉପରେ ଲୋକ ମାନେ ଚା ଜଳଖିଆ ରଖି ଖାଉଥିବାର ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏ ସମ୍ପର୍କରେ ଜଣେ ସ୍ଥାନୀୟ ବ୍ୟକ୍ତି ଥାନାରେ ଲିଖିତ ଭାବେ ସୂଚନା ଦେଇଥିଲା । ଏହି ଆଧାରର ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରୁଥିବା ଜଣା ପଡିଛି ।
