ଭୁବନେଶ୍ୱର : କେନ୍ଦୁଝର ଜିଲ୍ଲାର ଆନନ୍ଦପୁର ଅବକାରୀ ବିଭାଗ ପକ୍ଷରୁ ଚଢାଉ କରାଯାଇ ଏକ ବୋଲେରରରୁ ଏକ ହଜାର ଲିଟର ଦେଶୀ ମଦ ଜବତ କରାଯାଇଥିବା ବେଳେ ଜଣଙ୍କୁ ଅଟକ ରଖା ଯାଇଛି ।
ମିଳିଥିବା ସୂଚନା ଅନୁସାରେ ବିଶେଷ ସୂତ୍ରରୁ ଖବର ପାଇବା ପରେ ଆନନ୍ଦପୁର ଅବକାରୀ ବିଭାଗ ପକ୍ଷରୁ ରାମଚନ୍ଦ୍ରପୁର ଥାନା ହସନପୁର ଟୋଲଗେଟ ନିକଟରେ ଚଢାଉ କରା ଯାଇଥିଲା । ଚଢାଉ ବେଳେ ଏକ ବୋଲେରୋ ଗାଡ଼ି ସହ ୧୦୦୦ ଲିଟର ଦେଶୀ ମଦ ଜବତ କରାଯାଇଛି ଓ ଜଣଙ୍କୁ ଅଟକ ରଖା ଯାଇଛି । ଜବତ ମହୁଲି ମଦ ର ଆନୁମାନିକ ମୂଲ୍ୟ ୨ ଲକ୍ଷ ଟଙ୍କା ହେବ ବୋଲି ସୂଚନା ଦିଆଯାଇଛି।
