କାଠମାଣ୍ଡୁ, 14 ଅଗଷ୍ଟ (ହି.ସ.) ନେପାଳରେ ଧୁମଧାମରେ ପାଳନ ହେଲା ଭାରତ ମହୋତ୍ସବ । ନେପାଳ ସ୍ଥିତ ଭାରତୀୟ ଦୂତାବାସରେ ବେଶ୍ ଧୁମଧାମରେ ପାଳନ କରାଯାଇଛି ଭାରତ ମହୋତ୍ସବ । ନେପାଳରେ ରହୁଥିବା ଭାରତୀୟଙ୍କ ସଙ୍ଗଠନ ଇଣ୍ଡିଆନ ସିଟିଜେନ ଆସୋସିଏସନ ଅଫ୍ ନେପାଳ (ଆଇକେନ) ଓ ଭାରତୀୟ ଦୂତାବାସ ପକ୍ଷରୁ ମିଳିତ ଭାବେ ଏହି ସମାରୋହ ଆୟୋଜିତ କରାଯାଇଥିଲା ।
ଭାରତର 77ତମ ସ୍ୱାଧୀନତା ଦିବସର ପୂର୍ବରୁ ଭାରତୀୟ ଦୂତାବାସ ପ୍ରାଙ୍ଗଣରେ ଏହି ମହୋତ୍ସବ ଆୟୋଜିତ କରାଯାଇଥିଲା । ଏଥିରେ ପ୍ରାୟ ଅଢେଇ ହଜାର ଲୋକ ସାମିଲ ହୋଇଥିଲେ । ଭାରତର ଲୋକପ୍ରିୟ ଗାୟକ ହେମନ୍ତ ବୃଜଭାସୀ ଏହି ଉତ୍ସବରେ ସାମିଲ ହୋଇ ସଙ୍ଗୀତ ପରିବେଷଣ କରିଥିଲେ । ଏହି ମହୋତ୍ସବରେ କାଠମାଣ୍ଡୁ ସ୍ଥିତ କେନ୍ଦ୍ରୀୟ ବିଦ୍ୟାଳୟ, ଡିଏଭି ସ୍କୁଲ ଓ ମଡର୍ଣ୍ଣ ଇଣ୍ଡିଆନ ସ୍କୁଲ ତରଫରୁ ବିଭିନ୍ନ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ନେପାଳରେ ଗତ 4ବର୍ଷ ଧରି ଏହି ମହୋତ୍ସବ ଆୟୋଜିତ ହୋଇଆସୁଛି ।
