ଦେଶ ପାଇଁ ବଞ୍ଚିବାରେ ଆମକୁ କେହି ରୋକିପାରିବେ ନାହିଁ- ଅମିତ ଶାହ

ଅହମ୍ମଦାବାଦ : କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଏବଂ ଗୁଜରାଟ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ ରବିବାର ମୋ ମାଟି ମୋ ଦେଶ ଅଭିଯାନ କ୍ରମେ ଅହମ୍ମଦାବାଦ ନଗର ନିଗମ ପକ୍ଷରୁ ବାହାରିଥିବା ତ୍ରିରଙ୍ଗା ଯାତ୍ରାକୁ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ । ଏହି ତ୍ରିରଙ୍ଗା ଯାତ୍ରା ଘାଟାଲୋଡିୟା ବାର୍ଡ ଅଫିସରୁ ପ୍ରାୟ ଦେଢ଼ କି.ମି. ନିର୍ଣ୍ଣୟ ନଗର ପର୍ଯ୍ୟନ୍ତ ଯାଇଥିଲା ।

ଏହି ଅବସରରେ ଅମିତ ଶାହ କହିଥିଲେ ଯେ, ୧୮୫୭ରୁ ୧୯୪୭ ପର୍ଯ୍ୟନ୍ତ ୯୦ ବର୍ଷର ସଂଘର୍ଷ ପରେ ବହୁମୂଲ୍ୟ ସ୍ଵାଧିନତା ପ୍ରାପ୍ତ ହୋଇଛି । ଏବେ ଏହି ସ୍ଵାଧିନତାକୁ ୭୫ ବର୍ଷ ପୁରିଛି । ଆମେ ଦେଶ ପାଇଁ ମରି ତ ପାରିବୁନି, କାହିଁକିନା ଦେଶ ସ୍ଵାଧିନ ହୋଇସାରିଛି, ହେଲେ ଦେଶ ପାଇଁ ବଂଚିବାରେ ଆମକୁ କେହି ରୋକିପାରିବେ ନାହିଁ ।