ଗଞ୍ଜାମ : ବ୍ରହ୍ମପୁର ଜିଆରପି ପୋଲିସ ଗତକାଲି ରାତିରେ ୧ ନଂ ପ୍ଲାଟଫର୍ମରୁ ଜଣେ ଯୁବକକୁ ସନ୍ଦିଗ୍ଧ ଅବସ୍ଥାରେ ଧରି ତାର ବ୍ୟାଗ୍ ଯାଂଚ୍ କରିବା ବେଳେ ବ୍ୟାଗ୍ ରୁ ୨୧ କେଜି ୬୦୦ ଗ୍ରାମ ଗଞ୍ଜେଇ ଜବତ କରିଥିଲେ । ଏ ସଂକ୍ରାନ୍ତରେ ଜିଆରପି ତାରାସିଂ ଥାନା ସୋରିଷମୂଳି ନିକଟସ୍ଥ ତୁରୁମୁ ଗ୍ରାମର ନୀଳମଣି ଗୌଡ଼ ନାମକ ଜଣେ ଯୁବକକୁ ଗିରଫ କରିଥିଲା । ନୀଳମଣି କନ୍ଧମାଳ ଜିଲ୍ଲାରୁ ଏହି ଗଞ୍ଜେଇ ଆଣିଥିଲା । ସେ ଏହାକୁ ଟ୍ରେନ୍ ଯୋଗେ ବିଶାଖାପାଟଣା ଚାଲାଣ ପାଇଁ ଯୋଜନା କରୁଥିବା ତଦନ୍ତରୁ ପୋଲିସ ଜାଣିବାକୁ ପାଇଛି ।
