ସୋସିଆଲ ମିଡିଆରେ ପ୍ରୋଫାଇଲ୍ ଫଟୋ ବଦଳାଇଲେ ମୋଦି, ସମସ୍ତଙ୍କୁ ଡିପି ବଦଳାଇ ତ୍ରିରଙ୍ଗା ରଖିବାକୁ ଦେଲେ ଆହ୍ୱାନ

ନୂଆଦିଲ୍ଲୀ : ସୋସିଆଲ ମିଡିଆ ଆକାଉଣ୍ଟରେ ନିଜର ପ୍ରୋଫାଇଲ୍ ଫଟୋ ବଦଳାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ନିଜର ଫଟୋ ହଟାଇ ତ୍ରିରଙ୍ଗା ପ୍ରୋଫାଇଲ୍ ଫଟୋ ରଖିଛନ୍ତି ମୋଦି । ହର୍ ଘର ତ୍ରିରଙ୍ଗା ଅଭିଯାନ ଅବସରରେ ଲୋକଙ୍କୁ ନିଜର ପ୍ରୋଫାଇଲ ଫଟୋ ବଦଳାଇ ତ୍ରିରଙ୍ଗା ରଖିବାକୁ ଆହ୍ୱାନ ଦେଇଛନ୍ତି ପ୍ରଧାନମନ୍ତ୍ରୀ । ଏଠାରେ ଉଲ୍ଲେଖ ଯୋଗ୍ୟ ଯେ, ଦେଶରେ ରବିବାର ୧୩ ଅଗଷ୍ଟରୁ ଆରମ୍ଭ ହୋଇଛି ହର୍ ଘର୍ ତ୍ରିରଙ୍ଗା ଅଭିଯାନ । ଏହା ୧୫ ଅଗଷ୍ଟ ଯାଏ ଜାରି ରହିବ ।

ଏହି ଅବସରରେ ପ୍ରଧାନମନ୍ତ୍ରୀ ନିଜର ସୋସିଆଲ ମିଡିଆ ଆକାଉଣ୍ଟ ଏକ୍ସରେ(ଟ୍ୱିଟର) କହିଛନ୍ତି ଯେ, ଆସନ୍ତୁ ଆମେ ସମସ୍ତେ ନିଜ ନିଜର ସୋସିଆଲ ମିଡିଆ ଆକାଉଣ୍ଟରେ ନିଜ ନିଜର ପ୍ରୋଫାଇଲକୁ ବଦଳାଇ ହର୍ ଘର୍ ତ୍ରିରଙ୍ଗା ଅଭିଯାନକୁ ସମର୍ଥନ ଜଣାଇବା । ଯାହାକି ଆମର ଦେଶପ୍ରେମ ଭାବନାକୁ ଆହୁରି ଗଭୀର କରିବ ବୋଲି ମୋଦି କହିଛନ୍ତି ।