ସୁକୁମା : ଛତିଶଗଡର ସୁକୁମ ଜିଲ୍ଲା ଜଗରଗୁଣ୍ଡା ଥାନା ଅଞ୍ଚଳରେ ସୁରକ୍ଷାକର୍ମୀମାନେ 5ଜଣ ନକ୍ସଲଙ୍କୁ ଜଙ୍ଗଲରୁ ଗିରଫ କରିଛନ୍ତି । ନକ୍ସଲଙ୍କ ଠାରୁ ବିପୁଳ ପରିମାଣର ନକ୍ସଲ ସାମଗ୍ରୀ ଜବତ ହୋଇଛି । ଏମାନଙ୍କୁ ଗିରଫ ପରେ ଜେଲ ପଠାଇ ଦିଆଯାଇଛି ।
ରବିବାର ସନ୍ଧ୍ୟାରେ ପୋଲିସ ପକ୍ଷୁ ସୂଚନା ମିଳିଛି ଯେ, ଜଗରଗୁଣ୍ଡା ଥାନା ଅଞ୍ଚଳରେ ଥିବା ବେଦରେ କ୍ୟାମ୍ପରୁ ଜିଲ୍ଲା ସୁରକ୍ଷାବଳ ଏବଂ 201 ବାହିନୀ କୋବ୍ରା ମିଳିତ ଭାବେ ଚଢାଉ କରି ଦୂରନଦରଭା ନିକଟ ଜଙ୍ଗଲରୁ କିଛି ସନ୍ଦିଗ୍ଧଙ୍କୁ ଦେଖିଥିଲେ । ଏମାନେ ପୋଲିସକୁ ଦେଖି ଦୌଡିବାରୁ ପୋଲିସ ସେମାନଙ୍କୁ ଗିରଫ କରିଛି । ଗିରଫ ବ୍ୟକ୍ତିମାନେ ବେଦରେ ଥାନା ଅଞ୍ଚଳର ବୋଲି ଜଣାପଡିଛି । ସେମାନଙ୍କ ଠାରୁ କିଛି ବସ୍ତା ଜବତ କରାଯାଇଛି । ଏଥିରେ ସ୍ପାଇ କ୍ୟାମେରା,ମାଓ ପୋଷ୍ଟର ଓ ମାଓ ପୁସ୍ତିକା ଥିବା ଜଣାପଡିଛି ।
