ରାମବନ : ରାମବନ ଜିଲ୍ଲାର ବନିହାଲ ଅଂଚଳରୁ ଶନିବାର ବିଳମ୍ବିତ ରାତିରେ ଏକ ଗାଡିରୁ ୩୦ କେଜି ହେରୋଇନ ଜବତ କରିଛି ପୋଲିସ । ଘଟଣାରେ ଦୁଇ ଜଣ ତସ୍କରଙ୍କୁ ଗିରଫ କରାଯାଇଛି ।
ଅଧିକାରୀ ମାନେ ରବିବାର ଏନେଇ ସୂଚନା ଦେଇ କହିଛନ୍ତି ଯେ, ଜମ୍ମୁ-ଶ୍ରୀନଗର ଜାତୀୟ ରାଜପଥର ବନିହାଲ ଅଂଚଳରୁ ସମ୍ପୃକ୍ତ ଦୁଇ ଜଣଙ୍କୁ ଗିରଫ କରାଯାଇଛି । ବନିହାଲ ଥାନା ଅଧିକାରୀ ମହମ୍ମଦ ଅଫଜଲ ବାନୀଙ୍କ ନେତୃତ୍ଵରେ ଏକ ପୋଲିସ ଟିମ୍ ବନିହାଲ ଅଂଚଳରେ ନାକାବନ୍ଦୀ କରିଥିବା ସମୟରେ ଏମାନଙ୍କୁ ଧରିବାରେ ସଫଳ ହୋଇଥିଲେ । ସେମାନଙ୍କ ନିକଟରୁ ୩୦ କେଜି ହେରୋଇନ ଜବତ ହୋଇଛି । ସୀମା ଆରପାଖରୁ ଅଣାଯାଇଥିବା ଏହି ହେରୋଇନ ଉତର କାଶ୍ମୀରରୁ ପଞ୍ଜାବ ନିଆଯାଉଥିବା ବେଳେ ଧରାପଡିଛି । ଘଟଣାରେ ପୋଲିସ ସମ୍ପୃକ୍ତ ଦୁଇ ଅଭିଯୁକ୍ତଙ୍କୁ ଗିରଫ କରିବା ସହ ଏନେଇ ଅଧିକ ତଦନ୍ତ ଜାରି ରଖିଛି ।
