କାଂକେର, 25 ଫେବୃଆରୀ : କାଙ୍କେର ଜିଲ୍ଲାର ନକ୍ସଲ ପ୍ରଭାବିତ ଅଂଚଳରେ ରବିବାର ସକାଳେ ସୁରକ୍ଷାବଳ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟରେ ସୁରକ୍ଷାବଳର ଯବାନଙ୍କୁ ବଡ ସଫଳତା ମିଳିଛି । ଏହି ଗୁଳିକାଣ୍ଡରେ 3ଜଣ ନକ୍ସଲ ମୃତ୍ୟୁବରଣ କରିଥିବା ବେଳେ ଏହି ଅଂଚଳରେ ଏବେ ବି ତଲାସୀ ଅଭିଯାନ ଜାରି ରହିଛି ।
ସୂଚନା ଅନୁସାରେ ସୁରକ୍ଷାବଳର ଯବାନଙ୍କୁ ଅନ୍ତାଗଡ ଥାନା ଅଂଚଳର କେୟଲିବେଡା ଅଂଚଳର ଜଙ୍ଗଲରେ ବହୁ ସଂଖ୍ୟାରେ ନକ୍ସଲ ଥିବାର ସୂଚନା ମିଳିଥିଲା । ଏହି ଆଧାରରେ ଯବାନମାନେ ତଲାସୀ ଅଭିଯାନ ଚଳାଇଥିଲେ । ଏହାରି ଭିତରେ ଯବାନ ଓ ନକ୍ସଲଙ୍କ ମଧ୍ୟରେ ଗୁଳି ବିନିମୟ ହୋଇଥିଲା, ଯେଉଁଥିରେ ଯବାନଙ୍କ ଗୁଳିରେ 3ଜଣ ମାଓବାଦୀଙ୍କ ମୃତ୍ୟୁ ହୋଇଛି ।
