ଭୁବନେଶ୍ୱର, 21 ସେପ୍ଟେମ୍ବର – ଆସନ୍ତା ୨୬ ତାରିଖରେ ରାଜଧାନୀରେ ହେବ ଶିକ୍ଷକଙ୍କ ମହା ସମାବେଶ ।
ପ୍ରାଥମିକ ଶିକ୍ଷକ ସଂଘ ସଭାପତି ବ୍ରହ୍ମାନନ୍ଦ ମହାରଣା ଏହି ସୂଚନା ଦେଇଛନ୍ତି । ସେ କହିଛନ୍ତି ଏଥିରେ ହଜାର ହଜାର ଶିକ୍ଷକ ଓ ଶିକ୍ଷୟିତ୍ରୀ ସାମିଲ ହେବେ । ଦାବି ପୂରଣ ନହେବା ଯାଏଁ ସବୁ ବିଇଓ ଅଫିସ୍ ଆଗରେ ଆନ୍ଦୋଳନ ଜାରି ରହିବ । ଏବେ ୯ଟି ଶିକ୍ଷକ ସଂଘ ଆନ୍ଦୋଳନରେ ସାମିଲ ରହିଛନ୍ତି ।
ସୂଚନା ଯୋଗ୍ୟ ଯେ କେନ୍ଦ୍ରୀୟ ହାରରେ ବେତନ, ଠିକା ନିଯୁକ୍ତି ଉଚ୍ଛେଦ ଓ ପୁରୁଣା ପେନ୍ ସନ ବ୍ୟବସ୍ଥା ଲାଗୁ ଆଦି ୩ ଦଫା ଦାବି ଦେଇ ପ୍ରାଥମିକ ଶିକ୍ଷକମାନଙ୍କ ଆନ୍ଦୋଳନ ୧୩ ଦିନରେ ପହଂଚିଛି । ଶିକ୍ଷକ ଓ ଶିକ୍ଷୟିତ୍ରୀମାନେ ଆନ୍ଦୋଳନରେ ସାମିଲ ହୋଇଥିବାରୁ ସ୍କୁଲରେ ପାଠ ପଢ଼ା ଏକ ରକମର ଠପ ହୋଇଯାଇଛି ।
